ກົດລະບຽບ ແລະ ເງື່ອນໄຂຂອງຜູ້ໃຫ້ບໍລິການ

1. ຄຸນສົມບັດຜູ້ສະໝັກທ່ານໝໍ

1. ຜູ້ສະຫມັກຕ້ອງມີໃບຢັ້ງຢື່ນຈົບການສຶກສາ ແລະ ໃບອະນຸຍາດປິ່ນປົວ ຈາກກົມປິ່ນປົວຂອງ ກະຊວງສາທາລະນະສຸກ ຢ່າງຖືກຕ້ອງໃນຂະແໜງການທີ່ສະໝັກ ເພື່ອການດໍາເນີນການອະນຸມັດ ຕາມຂັ້ນຕອນໃຫ້ຖືກຕ້ອງຕາມກົດໝາຍ.
2. ຜູ້ບໍ່ເຄີຍຖືກລົງວິໄນທາງດ້ານອາຊິບການປິ່ນປົວ ຫຼື ລົງໂທດທາງອາຍາ ຍ້ອນການກະທຳຜິດໂດຍເຈດຕະນາ ໂດຍມີການຢັ້ງຢືນຈາກຂະແໜງການທີ່ກ່ຽວຂ້ອງ.
3. ຜູ້ສະໝັກຕ້ອງມີປະສົບການຫຼາຍປີ ແລະ ຄວາມຮູ້ສະເພາະດ້ານ ພ້ອມທັງຮູ້ຈັກ ສະຖານທີ່ປິ່ນປົວ, ບັນບັດ ແລະ ຮັກສາ ທັງພາຍໃນ ແລະ ຕ່າງປະເທດ ທີ່ຕອບໂຈດທີ່ສຸດ ໃນຂະແໜງການທີ່ຊ່ຽວຊານ ທີ່ມີຄຸນນະພາບ ທາງດ້ານການໃຫ້ບໍລິການ ແລະ ການປິ່ນປົວ ຢ່າງລະອຽດ.

2. ຄວາມຮັບຜິດດ້ານວິຊາຊີບ

1. ຜູ້ສະໝັກທຸກຄົນ ສາມາດໃຫ້ບໍລິການສຸກເສີນ ແລະ ສ້າງຕາຕະລາງການນັດໝາຍໂດຍບໍມີຂໍ້ຈໍາກັດ.
2. ສື່ສານກັບຄົນເຈັບຢ່າງສຸພາບ ແລະ ດ້ວຍຄວາມເຄົາລົບ, ຫຼີກລ່ຽງພາສາ ຫຼືພຶດຕິກໍາທີ່ອາດເຮັດໃຫ້ເກີດຄວາມຢ້ານກົວ, ຄວາມທຸກໃຈ, ຫຼືຄວາມເສຍຫາຍທາງດ້ານຈິດໃຈ.
3. ໃຫ້ຄໍາແນະນໍາ ອາການຂອງຄົນເຈັບ ຫຼື ພະຍາດຂອງຄົນເຈັບຢ່າງລະອຽດ ໃຫ້ຄົນເຈັບຮັບຮູ້ ແລະ ເຂົ້າໃຈເຖິງຜົນຮ້າຍ ແລະ ຜົນດີ ຕໍ່ການທີ່ຈະໄປຮັກສາ ຫຼື ປິ່ນປົວຢ່າງຖືກຕ້ອງ ແລະ ຊັດເຈນ ໃຫ້ຄົນເຈັບເຂົ້າໃຈຢ່າງລະອຽດ.
4. ຖ້າວ່າອາການຂອງຄົນເຈັບ ຈໍາເປັນຕ້ອງໄດ້ຮັບການປິ່ນປົວ ບໍ່ວ່າໄວ ຫຼື ຊ້າ ແມ່ນຕ້ອງ ໃຫ້ຄໍາແນະນໍາ ສະຖານທີ່ປິ່ນປົວເຊັ່ນ: ໂຮງໝໍ, ຄລີນິກ, ສະຖານທີ່ບັນບັດ ແລະ ອື່ນໆ ໃຫ້ສອດຄ້ອງກັບການປິ່ນປົວ ທີ່ມີຄວາມເຊື່ອຖືໄດ້ສູງ ທາງດ້ານຄຸນນະພາບ ແລະ ການໃຫ້ບໍລິການທີ່ດີ ໃຫ້ແກ່ຄົນເຈັບ.
5. ຕ້ອງປະຕິບັດໂມງເວລາ ທີ່ຕົນໄດ້ລະບຸ ຫຼື ໄດ້ຮັບການນັດໝາຍກັບຄົນເຈັບໃນຕາຕະລາງຢ່າງເຄັ່ງຄັດ, ຫາກວ່າ, ມີເຫດສຸກເສີນ ແມ່ນໃຫ້ແຈ້ງໃນລະບົບ ເພື່ອປ່ຽນ ທ່ານໝໍຄົນໃໝ່ໃຫ້ກັບຄົນເຈັບ ໃຫ້ກົງກັບເວລານັດໝາຍ, ຖ້າບໍ່ແຈ້ງທາງລະບົບເພື່ອການຫາທ່ານໝໍຄົນໃໝ່ໃຫ້ຄົບເຈັບ ລະບົບຈະຕັດສິດການໃຫ້ບໍລິການຊົ່ວຄາວ ຈົນກວ່າໄດ້ຮັບການພິຈາລະນາຄືນໃໝ່.
6. ຕ້ອງເກັບຂໍ້ມູນຂອງຄົນເຈັບເປັນຄວາມລັບ ແລະ ບໍ່ໃຫ້ເອົາຄວາມລັບຂອງຄົນເຈັບອອກສູ່ສັງຄົມ ໃນທຸກໆຊ່ອງທາງຢ່າງເດັດຂາດ.

3. ຄ່າຕອບແທນ ແລະ ຜົນປະໂຫຍດ

1. ໂທປຶກສາ 900ກີບຕໍ່ນາທີ.
2. ໃຫ້ບໍລິການສຸກເສີນ 1,800ກີບຕໍ່ນາທີ.
3. ລາຍໄດ້ແມ່ນຄິດໄລ່ເປັນລາຍວັນ, ອາທິດ, ແລະ ລາຍເດືອນ.
4. ການຖອນເງິນ: 1 ຄັ້ງຕໍ່ມື້, ສູງສຸດ 1,000,000 ກີບ.
5. ຍອດຄ້າງໃນບັນຊີ 50,000 ກີບ.

4. ຜົນປະໂຫຍດເພີ່ມເຕີມ.

1. ເປັນໂອກາດໃນການປະກອບສ່ວນເຂົ້າໃນການຊ່ວຍຊີວິດ, ດູແລຮັກສາຊີວິດ ແລະ ໃຫ້ການສຶກສາທາງດ້າງສຸຂະສຶກສາໃຫ້ແກ່ປະຊາຊົນ.
2. ແບ່ງປັນຂໍ້ມູນ ແລະ ຄວາມຮູ້ທີ່ຖືກຕ້ອງ ໃຫ້ກັບປະຊາຊົນ.
3. ເສີມຂະຫຍາຍຊື່ສຽງດ້ານວິຊາຊີບຂອງຕົນເອງ ແລະ ການຍອມຮັບຈາກສັງຄົມ.